Լրահոս

Հայաստանի և Ադրբեջանի միջև սահմանազատման և սահմանագծման հանձնաժողովի գործունեությանը պետք է նախորդի հայ-ադրբեջանական սահմանին անվտանգության մակարդակի բարձրացմանն ուղղված քայլերի շուրջ պայմանավորվածությունների ձեռքբերմունն ու դրանց իրագործումը: Այս մասին ասել է ՀՀ ԱԳՆ մամուլի քարտուղար Վահան Հունանյանը «Արմենպրես» լրատվական գործակալության հետ զրույցում։ Նա նշել է, որ սա տրամաբանական է նաև այն պատճառով, որ դժվար է պատկերացնել սահմանազատման աշխատանքների իրականացում այն սահմանին, որտեղ ամեն օր տեղի են ունենում հրադադարի ռեժիմի խախտումներ:

ՀՀ Երևան քաղաքի դատախազության հսկողության ներքո ՀՀ ՔԿ ԵՔՔՎ  ծանր հանցագործությունների քննության բաժնում քննված քրեական գործի նախաքննության ընթացքում 2021թ. նոյեմբերի 5-ին, Փ. Ս.-ին մեղադրանք էր առաջադրվել ՀՀ քրեական օրենսգրքի 137.1-րդ հոդվածի 2-րդ մասի 2-րդ կետով նախատեսված հանրորեն վտանգավոր արարք կատարելու համար: Այս մասին հայտնում են ՀՀ Գլխավոր դատախազությունից:

ՀՀ նախագահի թեկնածու Վահագն Խաչատուրյանը կառավարությունում լրագրողների հետ ճեպազրույցում անդրադարձել է ադրբեջանցիների կողմից ՀՀ տարածք ներխուժելու հարցին։

Արցախի Հանրապետության պետական նախարար Արտակ Բեգլարյանը գրում է. Թեև ամիսներ շարունակ ականջիս շշուկներ էին հասնում, որ զանազան մարդիկ տարբեր շրջանակներում պնդում են, թե իբր ես չեմ կարող բարձրաստիճան (հատկապես՝ պետական նախարարի) պաշտոն զբաղեցնել կուրության պատճառով, սակայն լուրջ չէի վերաբերվում դրանց՝ համարելով անտեղյակության, կարծրատիպերի և, միգուցե որոշ դեպքերում, քաղաքական ճղճիմ ամբիցիաների ու խանդի դրսևորումներ: Քանի որ հիմա այդ պնդումը հրապարակայնացվել է հանրային գործչի (Տիգրան Պետրոսյանի, ընդ որում՝ նախկին ակնաբույժ) կողմից, ստիպված եմ անդրադառնալ դրանց և նրա այլ պնդումների՝ միաժամանակորեն պատասխանելով այլոց անգիտակցական և դիտավորյալ սխալ պնդումներին իմ կուրության շուրջ:

Կենդանաբանական այգու շուրջ իրարացումը չի դադարում` այժմ էլ ոստիկանությունը կենդանաբանական այգում կենդանիների թունավորման փորձի հետ կապված հաղորդում է ստացել։ Հունվարի 31-ին այգու ներկա և նախկին աշխատակիցները բողոքի ակցիա իրականացրին՝ բողոքելով կենդանիների թվի կրճատման դեմ։ Հայտնի է, որ այս տարի արդեն անգղներ են անկել, իսկ մինչ այդ այգու նախկին աշխատակիցները պարբերաբար հայտնում էին այս կամ այնկենդանու անկման մասին։

Անդրեաս Անդրեասյանը 4 ամսվա ուսանող  էր, ուսումը կիսատ թողնելով՝  զորակոչվել է բանակ: Չնայած առողջական խնդիրներին՝ Անդրեասը ինքնակամ ստորագրություն էր տվել ու խնդրել էր, որ իրեն տանեն ծառայության: 2020թ. հունվարի 19-ին Անդրեասը զորակոչվել է բանակ: Ծառայության է անցել Ասկերանի զորամասում։ Հրետանավոր, վարորդ Անդրեասը 31 օր շարունակ համառ մարտեր է մղել թուրք-ադրբեջանական ստորաբաժանումների դեմ, վիրավորվել է հոկտեմբերի 28-ին Ակնայում: Անդրեասը շատ արագ հարմարվեց ծառայությանը, նրա համար տարբերություն չկար՝ Արցախում կծառայի, թե Հայաստանի որևէ այլ բնակավայրում, կարևորն այն էր, որ ինքը  պաշտպանելու է իր երկրի սահմանները:

Հայաստանի վարչապետ Նիկոլ Փաշինյանի դուստրը՝ Մարիամ Փաշինյանը սկսել է սպորտով զբաղվել։ 

Այսօր՝ փետրվարի 3-ին, «Հայ Ազգային Կոնգրես» կուսակցությունը ստացել է ՀՀ Նախագահի թեկնածու Վահագն Խաչատուրյանի դիմումը՝ կուսակցությանը իր անդամակցությունը դադարեցնելու խնդրանքով։ 

«Չեմ ուզում ապրել, չեմ դիմանում այս կյանքին»,- այս մասին «Ամերիկայի ձայն»-ին ասել է դերասանուհի Նարինե Ոսկանյանը։ Նա նշել է, որ առողջական խնդիրներ ունի, վատառողջ է նաև մայրը։

Հայաստան-Թուրքիա կարգավորման գործընթացի շրջանակներում երկու երկրների հատուկ ներկայացուցիչների` Ռուբեն Ռուբինյանի և Սերդար Քըլըչի հաջորդ հանդիպումը տեղի կունենա փետրվարի 24-ին` Վիեննայում։ Այս մասին հայտնում են ՀՀ ԱԳՆ մամուլի ծառայությունից։ 

2021թ. դեկտեմբերի 3-ին Արցախի Հանրապետության Մարտունու շրջանի Ճարտարի տարածքից անասնապահությամբ զբաղվող նույն համայնքի բնակիչ՝ 1956թ. ծնված Սեյրան Սմբատի Սարգսյանին ադրբեջանցին բացահայտ առևանգել էր և տեղափոխել իրենց մարտական դիրք, ապա ազգային ատելության շարժառիթով դիտավորությամբ զրկել կյանքից։ Հարուցված քրեական գործի շրջանակներում պարզվել է Սեյրան Սարգսյանին սպանել է Ադրբեջանի ԶՈՒ զինծառայող, շարքային Ռահիմզադե Դավիթ Գաբիլ Օղլին: Նրա նկատմամբ հայտարարվել է հետախուզում։ Այս մասին հաղորդագրություն է տարածել ԱՀ քննչական կոմիտեն։

Երևանի ընդհանուր իրավասության դատարանում այսօր մեկնարկեց պաշտոնեական լիազորությունների չարաշահման համար մեղադրվող Երևանի նախկին քաղաքապետ Տարոն Մարգարյանի ու պետական գույքի կառավարման վարչության նախկին պետ Արման Սահակյանի և մյուսների վերաբերյալ դատական գործի քննությունը։  Նիստին ներկայացել էին Մարգարյանը, Սահակյանը, մի քանի ամբաստանյալներ, պաշտպաններն ու դատախազը, սակայն այն հետաձգվեց, քանի որ 5 ամբաստանյալ չէր ներկայացել դատական նիստին։

Երևանի կենդանաբանական այգու ղեկավարությունը հայտարարություն է տարածել։ Հայտարարության մեջ մասնավորապես նշվում է.

Հայաստանում գործող իշխանությունը բռնաբարում է իրավական դաշտն ու արդարադատությունը։ Այս մասին լրագրողների հետ զրույցում ասել է ԱԱԾ նախկին տնօրեն, «Պատիվ ունեմ» խմբակցության ղեկավար Արթուր Վանեցյանը, որն, ի աջակցություն դատավոր Բորիս Բախշիյանի, եկել է դատարանի բակ:

Երևանի տարածաշրջանային թիվ 1 քոլեջի ուսանողները երեկ՝ փետրվարի 2-ին, բակում վիճաբանել են, որն ավարտվել է դանակահարությամբ։ Դանակահարության հետևանքով կա երկու վիրավոր, երկուսն էլ՝ 17 տարեկան։

Այսօր մամուլում տեղեկություն էր տարածվել, որ Երևանում երգիչ Արա Մարտիրոսյանի կինը վրաերթի է ենթարկել հետիոտնի: Ավելի ուշ շրջանառվող լուրերին  անդրադարձել է երգիչ Արա Մարտիրոսյանը` նշելով, որ լուրն իրականությանը չի համապատասխանում: Երգիչը նշել է, որ արդեն 4 տարի է՝ կին չունի: Իսկ ինչ վերաբերում է հետիոտնին վրաերթի ենթարկած կնոջը, Մարտիրոսյանը ավելացրել է, որ վարորդն իր ընկերն ու աշխատակիցն է:

Երբ մենք հանդիպում ենք մարդուն, մեզ շրջապատում են բազմաթիվ հուշումներ, որոնք ցույց են տալիս, թե ինչպիսին է լինելու նրա հետ մեր ապագան: «Mediamag.am»-ը գրում է, որ այս նշաններից մի քանիսը կարելի է կարդալ ձեր զուգընկերոջ հորոսկոպում։  Չնայած յուրաքանչյուրը կարող է լինել պոտենցիալ լավ զուգընկեր, կենդանակերպի այս հինգ նշանները դառնում են լավագույն ամուսիններ: Նրանց մոտ դա ստացվում է հեշտ ու բնական։

Այսօր՝ փետրվարի 3-ին, վրաերթ է տեղի ունեցել Երևանում։ Ժամը 13։50-ի սահմաններում Երևանի բնակիչ՝ 33-ամյա Լիլիթ Գ․-ն իր վարած Nissan Murano մակնիշի ավտոմեքենայով Հանրապետության 62/3 շենքի դիմաց վրաերթի է ենթարկել հետիոտն Էլիզա Ե․-ին։  Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է Երևանի 1-03 շտապօգնություն, արտակարգ իրավիճակների նախարարության փրկարար ծառայության 9-11 ճգնաժամային կառավարման կենտրոն, այնուհետև օգնել է օպերատիվորեն ժամանած բժիշկներին և փրկարարներին վրաերթի ենթարկվածին տեղափոխել թիվ 1 համալսարանական հիվանդանոց։  Վարորդը ենթարկվել է սթափության փորձաքննության. նա եղել է սթափ։ Շամշյանի տեղեկություններով՝ վարորդը սիրված ու ճանաչված երգիչ Արա Մարտիրոսյանի կինն է։ Վերջինս նույնպես ժամանել էր դեպքի վայր։  

ՀՀ կառավարության որոշմամբ սահմանվել են ստեղծագործությունները, հայտնագործությունները (գյուտերը) և աշխա­տանքները պետական մրցանակի հայցման ներկայացնելու, պետական մրցանակներ շնորհելու և հանձնելու կարգն ու ժամկետները: