Կրծքագեղձի քաղցկեղը հաղթահարած կինը մայրացել է. Հղիանալու հավանականությունը 7% էր և լի ռիսկերով

Շենգավիթ Բժշկական կենտրոնը ներկայացնում է պատմություն՝ ինչպես քաղցկեղը հաղթահարած կինը կարողացավ մայրանալ։ 

«Սա պատմություն է մի կնոջ մասին, ում նոր կյանքը սկսվեց դարի չարաբաստիկ հիվանդության ախտորոշումից հետո։

Լուսանկարի փոքրիկի մայրիկը 31 տարեկանում պլանային ստուգման ժամանակ հայտնաբերում է, որ ունի կրծքագեղձի քաղցկեղ, և անցնելով երկարատև վիրահատական ու բուժման կուրս՝ հաղթահարում է այն։

Ընտանիքի լիարժեքության համար զույգը որոշում է գնալ ռիսկի և բալիկ ունենալ։

Հրաշքներ լինում են, երբ այդ հրաշքին նպաստում են պրոֆեսիոնալները։

Հղիության հասուն փուլում իրականացվել է կեսարյան հատում, ծնվել է երիտասարդ ընտանիքի հրաշքը՝ Ելենան: Փոքրիկի անունը զույգը միանշանակ է ընտրել՝ Ելենա, ինչպես երջանիկ մայրիկն է ասում՝ նա «Елена Прекрасная»-ն է»։