Մոսկվայի օդանավակայաններում մի շարք թռիչքներ են չեղարկվել և հետաձգվել

Ռուսաստանի մայրաքաղաք Մոսկվայի օդանավակայաններում թռիչքների զանգվածային չեղարկումներ և հետաձգումներ են գրանցվել։ «Սպուտնիկ Արմենիա»-ի փոխանցմամբ՝ այս մասին փաստում են թռիչքներին հետևելու համար նախատեսված առցանց ծառայության տվյալները։

Այսօրվա տվյալներով՝ եղանակային վատ պայմանների պատճառով 47 ինքնաթիռի մեկնումը չեղարկվել է։ Մոսկվայի ժամանակով առավոտյան 9:30-ի դրությամբ «Վնուկովո» օդանավակայանում փոխվել է 7 ինքնաթիռի մեկնման ժամը, «Դոմոդեդովո» օդանավակայանում 7 չվերթ հետաձգվել է, մեկը՝ չեղարկվել , իսկ «Շերեմետևոյում» հետաձգվել է 32 չվերթ:

Ավելի վաղ հաղորդվել էր, որ առատ ձյան պատճառով մայրաքաղաքի օդանավակայաններում հունվարի 31-ին չեղարկվել կամ հետաձգվել է գրեթե 50 չվերթ։