«Հակառակորդի հետ այս պահին բանակցություններ են ընթանում». Գորիսի փոխքաղաքապետ (թարմացվող)

13:35- armlur.am- ArmLur.am-ին հաջողվել է զրուցել  Գորիսի փոխքաղաքապետ Մենուա Հովսեփյանի հետ, ով ասել է, որ  այս պահին հակառակորդի հետ բանակցություններ են ընթանում:

13.34- 168.am-«Իրավիճակը շարունակում է լարված մնալ, այս պահին  բարձրանում եմ դիրքեր». Վերիշենի գյուղապետ

 «Իրավիճակը շարունակում է լարված մնալ։ Այս պահին ես բարձրանում եմ դիրքեր, հասկանամ՝ ինչ է  կատարվում, 30 րոպեից զանգահարեք, որպեսզի կարողանամ ամբողջական տեղեկատվությանը տիրապետեմ և ձեզ փոխանցեմ։ Քաղաքացիական բնակչությունից այնտեղ քիչ մարդ կա, հիմնականում զինվորականներ են, դեռ քաղաքացիական անձանցից շատերին չեն թողնում՝ շատ մոտենան»,- նշեց Արարատ Օրդյանը։

13:32-hraparak.am-ադրբեջանցիները 3 կիլոմետր առաջ են եկել դեպի Սիսիան

Սիսիանից զինվորականները հաղորդում են, որ ադրբեջանական ուժերը երեք կիլոմետր առաջ են եկել, մխրճվելով Հայաստանի սահմանները: «Ինչքան ջրի ակունքներ, դիրքեր կան, որոնցից ամբողջ Սիսիանը երևում է, արդեն իրենց ձեռքն են: Ադրբեջանցիները վերահսկում են բոլոր արոտավայրերը, դաշտերը, ճանապարհը: Ցանկացած պահի կարող են խփել», - ասաց hraparak.am-ի հետ կապ հաստատած սպան:

 13:17- armur.am- Կրակոց չկա, վիրավոր չկա. «Իմ քայլ»-ի սյունեցի պատգամավոր  (տեսանյութ)

13։11- Պաշտպանության նախարարության պաշտոնական հաղորդագրություն

«Մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ։

Մամուլում տարածվող տեղեկությունները «Իշխանասարի ուղղությամբ ընթացող մարտերի մասին» չեն համապատասխանում իրականությանը։ Նման զարգացումների դեպքում պաշտպանության նախարարությունն առաջինը հանդես կգար հայտարարությամբ։ Կոչ ենք անում ձեռնպահ մնալ չճշտված, առավել ևս՝ խուճապ տարածող տեղեկություններ հրապարակելուց»։

13։06-tert.am

Նման բան չկա։ Ջերմուկ համայնքի ղեկավարի տեղակալ Աշոտ Խաչատրյանը Tert.am-ի հետ զրույցում հերքեց, որ Ջերմուկի հատվածում թշնամուն հաջողվել է առաջխաղացում ունենալ:

Նշենք, որ մամուլում լուրեր են շրջանառվում, որ Սյունիքի մարզում գիշերը եղել է լարված իրավիճակ և թշնամուն հաջողվել է Ջերմուկի հատվածում, նաև Տեղ համայնքի Խնածախ գյուղի մոտ մի փոքր առաջ գալ:

13:05- armlur.am- «Հենակետը ընկել է շրջափակման մեջ». Սյունիքի նախկին մարզպետը՝ իրավիճակի մասին

ArmLur.am-ը տևական ժամանակ է փորձում է այս տեղեկությունը ճշտել տարբեր աղբյուրներից: Պաշտպանության նախարարությունից  զանգերին չեն պատասխանել, Սյունիքի մարզպետարանից ասացել են, թե առաջիկայում մարզպետը հայտարարությամբ հանդես կգա:

Armlur.am-ին հաջողվել է զրուցել Սյունիքի նախկին մարզպետ Վահե Հակոբյանի հետ, որը մանրամասներ հայտնեց տեղի ունեցած միջադեպից:

13:00- hraparak.am-

«Այս պահին մարտեր են ընթանում Սյունիքի որոշ հատվածներում, տեղեկություն կա, որ հայկական կողմից անգամ վիրավորներ կան։ Մենք տեղեկացանք, որ Լուսակերտի զորամասից այս պահին զորք են տանում Սյունիք՝ օգնության։ Կապվեցինք Սյունիքի մարզպետ Մելիքսեթ Պողոսյանի հետ՝ հարցնելով, թե ի՞նչ իրավիճակ է հիմա․

«Որտե՞ղ է դա եղել, նման բան չկա, նման բան չի գրանցվել, կրակոցներ չեն եղել»,- ասաց մարզպետը։

Հարցրինք՝ այս պահին Իշխանասար համայնքի ուղղությամբ կրակոցներ չկա՞ն, վիրավորներ չկան՝ «Չէ, զինված ուժերից հարցրեք, մեզ մոտ ոչ մի բան չի գրանցվվել, նման տեղեկություն ես չեմ իմանում»,- պատասխանեց մարզպետը»։

12:57- Գորիսի փոխքաղաքապետ Իրինա Յոլյանի ֆեյսբուքյան էջ

Իշխանասարի հատվածում թշնամին պետական սահմանը անցել է և ևս երեք կիլոմետր առաջ եկել դեպի Վերիշեն բնակավայր ու հարյուրներով շարված են։ Այս պահին բանակցում են։  Այս մասին ֆեյսբուքյան իր էջում գրել է Գորիսի փոխքաղաքապետ Իրինա Յոլյանը:

«Սև լճի տարածքից կիլոմետրերով առաջ են եկել և կանգնել։ Եթե GPS-ով Սև լճի 30տոկոսն էր թշնամունը, սրանք էնքան են իրենց արտոնեալ համարում, որ որոշել են հասնել մինչև բնակավայր ու Շուռնուխի օրինակով առաջ գալ։

Ժողովուրդ չգիտեմ` էլի ով ինչ կհերքի, բայց լսեք սյունեցիների ահազանգը, բոլորիս վերջը գալու է, եթե շարունակենք այս վտանգավոր անտարբերությունը»,- գրել է Յոլյանը:

12:56- Գորիսի փոխհամայանքապետ Մենուա Հովսեփյանի ֆեյսբուքյան էջ.

«Ինչպես և կանխատեսում էինք մեր` Հայերիս թշնամին` թուրքը Սև լճի տարածքում առաջ է եկել և փորձ է կատարում տեղակայվելու, ի դեպ ասեմ Սև լճի մեծ մասը մեզ է պատկանում նույնիսկ ալիևանիկոլական քարտեզներով.

Սև լճի տարածքում գտնվող արհեստական ջրամբարից է իրականացվում համայնքի ոռոգման ջրի ջրամատակարարումը, ի դեպ ջրամբարի պլատինան հենց նույն քարտեզներով անցել է թուրքին:

Փոխարեն ԱԺ ամբիոնից ամպագոռգոռ և սուտ հայտարարություններ տարածելուն լավ կլիներ ամիսներ շարունակ մեր կողմից բարձրացվող խնդիրներին ականջ դնեիք, ամոթի զգացում ունեցեք...»։