Մեր առջև դրված խնդիրները հստակ իրականացվում են․ թիկունքում կա ժողովուրդ․ Սաղաթելյան

ԱԺ փոխնախագահ Իշխան Սաղաթելյանը լրագրողների հետ զրույցում հայտնել է, որ ամբողջ ոստիկանական համակարգը ոտքի է ելել։

«Կանչել են աշխատանքի նույնիսկ նրանց, ովքեր արձակուրդում են։ Ասում են՝ որոշ օլիգարխներ էլ են օգնում, բայց անկասելի է այս ամենը»,- ասել է Սաղաթելյանը։

Նա տեղեկացրել է, որ ամբողջ քաղաքը պարալիզացված է։

«Ամեն ինչ գնում է ըստ ծրագրի, ըստ մեր ժողովրդի պահանջի։ Նախնական տվյալներով՝ 200-ից ավելի բերման ենթարկված ունենք, բռնության դեպքեր, այդ թվում՝ պատգամավորների նկատմամբ։ Մարդիկ ոտքի են կանգնել։

Մեր առջև դրված խնդիրները հստակ իրականացվում են, քանի որ թիկունքում կա ժողովուրդ, սա ինչ-որ կուսակցականներով ակցիա չէ»,- հավելել է Սաղաթելյանը։