«ՀՀ-ն պատրաստ է Ադրբեջանի հետ բանակցել՝ բարձրագույն մակարդակում». Փաշինյան

Եթե միջազգային մոնիթորինգի մեխանիզմն անընդունելի է ՀԱՊԿ-ի համար, այլընտրանքը մնում է ԵԱՀԿ Մինսկի խմբի դիտորդական առաքելությունը:

Այսօր կառավարության նիստից առաջ հայտարարել է Նիկոլ  Փաշինյանը: Նա հայտնել է, որ Հայասանը պատրաստ է միջազգային գործընկերների աջակցությամբ ակտիվ երկխոսություն սկսել, այդ թվում ուղիղ շփումների միջոցով: Փաշինյանը նշել է, որ իրավիճակի կայունացման հարցով սպասում են կոնկրետ առաջարկներ, իսկ կոմունիկացիաների բացման աշխատանքները պետք է սկսել օր առաջ:

«Մեզ համար ընդունելի է սադրիչ գործողություններից և հայտարարություններից զերծ մնալու համանախագահների կոչը: Այս պայմանի պահպանումը  առանցքային նշանակություն ունի  պատեհ բանակցային մթնոլորտ և միջավայր ձևավորելու համար: Սադրիչ գործողություների ու հրադադարի խախտումներ նախաձեռնող կողմի հարցը մշտապես բանավեճերի տեղիք է տալիս: Կարծում եմ, որ հրադադարի խախտումներ նախաձեռնող կողմի նույնականացումը և սադրիչ գործողության նույնականացումը էական նշանակություն ունի իրադրության հետագա դեէսկալացիայի և կայունացման համար: Նման գործառույթը դժվար է պատկերացնել առանց միջազգային մոնիթորինգի մեխանիզմի գործարկման: Կարծում եմ՝ դա պիտի լինի ՀԱՊԿ դիտրդական առաքելություն, իսկ եթե ՀԱՊԿ-ի համար դա ընդունելի չէ, այլընտրանքը մնում է ԵԱՀԿ Մինսկի խմբի  նախագահության դիտորդական առաքելությունը»:

 Նիկոլ Փաշինյանը ընդգծեց, որ Հայաստանը պատարստ է բանակցային գործընթացում ներգրավվել թե՛ բարձր, թե՛ բարձրագույն մակարդակում: