Ամեն երկրորդ երեխան էս մարզում աղքատության մեջ է ապրում․ դու ո՞նց ես պարգևավճար ստանում․ Նարեկ Կարապետյան

Մենք էս բարդ պարագայում աղքատությունը չենք կարող հաղթահարել, եթե չենք ստեղծում ուժեղ արդյունաբերություն, եթե Գյումրին չենք սարքում ներգնա տուրիզմի կենտրոն։ Լուրջ աշխատանք է պետք, դժվար օրեր են սպասվում, բայց ես ձեզ վստահեցնում եմ՝ մենք ամեն ինչ անելու ենք, որ Հայաստանի ամենաաղքատ մարզից Շիրակի մարզը դառնա ամենաբարեկեցիկ մարզը։ Այս մասին Գյումրիում հայտարարել է «Ուժեղ Հայաստան» կուսակցության խորհրդի անդամ Նարեկ Կարապետյանը։

«Գալիս, գնում են, ինչ ասես խոսք են տալիս՝ ութ տարվա մեջ 2% աղքատությունը նվազել։ Ամեն երկրորդ երեխան էս մարզում աղքատության մեջ ա ապրում։ Ամեն երկրորդ երեխան, երբ որ աղքատության մեջ ա ապրում, դու ո՞նց ես պարգևավճար ստանում։ Ո՞նց ես կարողանում ապրես, կառավարես, եթե Շիրակի մարզում ամեն երկրորդ երեխա հացի խնդիր ունի, և Գյումրիում՝ 2000-րդ դոմիկ կա 21-րդ դարում։ 

Լուծում ա պետք։ Բարդ օրեր են մեզ սպասվում, մենք դա անելու ենք, որովհետև ձև չունենք չանելու։ Ձև չունենք, ամոթ ա արդեն։ Էս աղքատության վերջը պետք ա դնենք իրար հետ»,-նշել է Նարեկ Կարապետյանը։։

Ավելին՝ տեսանյութում։