Ռուսաստանը կշարունակի պատասխաններ պահանջել Ուկրաինայում ԱՄՆ ծրագրի վերաբերյալ․ Զախարովա

Ռուսաստանը կշարունակի պատասխաններ պահանջել Ուկրաինայում Վաշինգտոնի իրականացրած կենսաբանական ծրագրի վերաբերյալ, Սանկտ Պետերբուրգի միջազգային տնտեսական ֆորումի (ՊՄՏՖ) շրջանակներում անցկացված ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք կշարունակենք աշխատանքը մասնագիտացված բազմակողմ հարթակներում... ազգային սահմաններից դուրս, այդ թվում՝ Ռուսաստանի տարածքին անմիջական հարևանությամբ ԱՄՆ ռազմակենսաբանական գործունեության համատեքստում առկա հավակնությունները վերացնելու նպատակով», - ասել է նա։

Դիվանագետը նաև նշել է, որ ԱՄՆ-ը կենսաբանական լաբորատորիաների համար «յուրացրել է» աշխարհի շատ պետություններ՝ դրանով իսկ վերահսկողություն հաստատելով ռազմավարական նշանակություն ունեցող տարածաշրջաններում սանիտարահամաճարակային իրավիճակի նկատմամբ։

Ռուսաստանը բազմիցս հայտարարել է, որ ԱՄՆ-ը ֆինանսավորում է կենսաբանական զենքի մշակումը և Ուկրաինայում տեղակայում է իր տասնյակ կենսաբանական լաբորատորիաները՝ խախտելով կենսաբանական և տոքսինային զենքի արգելման մասին կոնվենցիան (ԿԲՏԶ)։ ՌԴ պաշտպանության նախարարության տվյալներով՝ ԱՄՆ ռազմակենսաբանական ծրագիրը շարունակելու համար անհրաժեշտ ամեն ինչ Ուկրաինայից դուրս է բերվել ռուսական հատուկ ռազմական գործողության մեկնարկից հետո։