Էրդողանը սպասում է F-35-ի վերաբերյալ ԱՄՆ-ի դրական արձագանքին

Թուրքիայի նախագահ Ռեջեփ Թայիփ Էրդողանը հայտարարել է, որ ակնկալում է F-35 կործանիչների վերաբերյալ ԱՄՆ-ի դրական որոշումը՝ իր ամերիկացի գործընկեր Դոնալդ Թրամփի հետ Անկարայում կայացած բանակցությունների արդյունքներով, որը ժամանել էր Անկարա՝ մասնակցելու ՆԱՏՕ-ի գագաթնաժողովին։

«Հուսով եմ, որ այս գագաթնաժողովի արդյունքներով F-35-ի հարցով դրական որոշում կկայացվի»,– ասել է թուրք առաջնորդը։ Նա հիշեցրել է, որ F-35-ի խնդիրը երկու երկրների համար նոր չէ։ «Մենք այն քննարկել ենք ԱՄՆ-ի հետ ավելի վաղ և ստացել հինգ ինքնաթիռի մատակարարման խոստում։ Պարոն Թրամփը միշտ պահում է իր խոսքը»,– ասել է Թուրքիայի նախագահը։

2017 թվականին Թուրքիան Ռուսաստանից ձեռք է բերել 2,5 միլիարդ դոլար արժողությամբ Ս-400 հակաօդային պաշտպանության համակարգերի չորս դիվիզիոն։ 2019 թվականի հոկտեմբերին «Ռոսօբորոնէքսպորտ» ընկերությունը (մտնում է «Ռոստեխ» պետական կորպորացիայի կազմի մեջ) հայտնել էր, որ համակարգերի մատակարարման պայմանագիրը կատարված է։ Ս-400-ի գնդային հավաքակազմի մատակարարման շուրջ Թուրքիայի և Ռուսաստանի միջև պայմանագիր կնքելուց հետո Անկարան հեռացվել էր F-35 նոր սերնդի կործանիչների ստեղծման ամերիկյան ծրագրից։