Օպերայի մոտ սրճարանների ապամոնտաժումը շարունակվում է

Առավոտից շարունակվել են Օպերայի հարակից տարածքի սրճարանների ապամոնտաժման աշխատանքները: Ի տարբերություն երեկվա իրավիճակը հանդարտ էր: Ապամոնտաժվող Ջազզվե սրճարանի սեփականատերերից մեկը աշխատակիցներին կոչ էր արել դադարեցնել բողոքի ակցիաներն ու պայքարը տեղափոխել իրավական հարթություն: Ի դեպ՝ Ազատության հրապարակում միջադեպի փաստով հարուցվել է քրեական գործ՝ խուլիգանության հոդվածով։ Կենտրոնի վարչական շրջանի ղեկավարը տվյալներ ունի, որ բախման մասնակիցները ուղղորդված են եղել։ Երեկվա բուռն զարգացումներից հետո, ինչ վիճակում էր այսօր Ազատության հրապարակը՝ Աղվան Ասոյանն է տեսել: