Կյանքին վերջ է տվել ՔՊ պաստառը պոկելու համար բանտախուց նետված քաղաքացին

Ընտրություններին մասնակցող ուժերից մեկի պաստառը պոկելու համար ձերբակալվածների պահման վայրից հոգեկան առողջության պահպանման կենտրոն տեղափոխված քաղաքացին անձնասպան է եղել:

Քրեական վարույթ է հարուցվել, բայց առայժմ պարզ չէ՝ արդյո՞ք քննության առարկա է դառնալու նաև ծայրահեղ քայլի դիմած քաղաքացուն ձերբակալելու օրինաչափությունը: Նախընտրական քարոզարշավի ժամանակ պաստառ պոկելը իրավախախտում է, որի համար, իրավապաշտպանների պնդմամբ, կարող է առավելագույնը 100 հազար դրամի չափ տուգանք նշանակվել, բայց ձերբակալումը խելամտությունից, օրենքից դուրս պատիժ է: